Fire Temple , Baku

സോറോസ്ട്രിയക്കാരുടെ അഗ്നി ക്ഷേത്രത്തിൽ കയറി ഫോട്ടോ എടുക്കുകയും അതിനെക്കുറിച്ചുള്ള ഒരു ലഘു വിവരണം ഗൈഡിൽ നിന്നും കേൾക്കുകയും ചെയ്തു കഴിഞ്ഞപ്പോൾ അവിടുന്ന് പോകാം എന്ന് കൂട്ടുകാരെല്ലാം പറഞ്ഞു...കാരണം അവിടെ കൂടുതൽ സമയം കളയാൻ മറ്റുകാഴ്ചകൾ ഒന്നുമില്ലായിരുന്നു..അങ്ങിനെ ഇന്ത്യക്കാർ കൂടി പങ്കുചേർന്ന് നിർമിച്ച ആ ബൃഹത്തായ ക്ഷേത്രമതിൽകെട്ടിന് പുറത്തേക്ക് നമ്മൾ നടന്നു.. അകത്തേക്ക് കടന്നപ്പോൾ ശ്രദ്ധിക്കാതെ പോയ ഒരു വൃത്താകൃതിയിലുള്ള ഒരു ഇരുമ്പ് ഫലകം എന്റെ ശ്രദ്ധയിൽ പെടുന്നത് പുറത്തേക്ക് കടക്കുമ്പോഴാണ്..ഗൈഡായ സാലിമയ്ക്കും അതിനെക്കുറിച്ച് വ്യക്തതയില്ലായിരുന്നു. റഷ്യൻ ഭാഷയിൽ എഴുതിയ ആ ഫലകം ചുമരിൽ തറച്ചിരിക്കുകയായിരുന്നു. എന്തോ ഒരു ചരിത്ര പ്രാധാന്യം അതിനുണ്ടെന്ന് തോന്നിയപ്പോൾ ഞാൻ ഒരു ഫോട്ടോ എടുത്ത് വച്ചു . ഇതിനിടെ ഈ ഫോട്ടോ റഷ്യൻ ഭാഷ അറിയുന്ന ഒരു സുഹൃത്തിന് അയച്ചുകൊടുത്തപ്പോൾ , 1912 ൽ റഷ്യൻ സൈനികർ ഒരു സൈനിക നടപടിയുടെ ഭാഗമായി ആലേഖനം ചെയ്തതാണെന്ന് മനസ്സിലായി..പതിറ്റാണ്ടുകൾ ഈ ഭൂഭാഗങ്ങൾ റഷ്യയുടെ ഭരണത്തിലായിരുന്നല്ലോ...ഞങ്ങൾ സുറാഖനിയിലെ അഗ്നിക്ഷേത്രത്തോട് വിടപറഞ്ഞ് വാഹനത്തിലേക്ക് കയറി... #pindle #pindlebaku #pindleazerbaijan #traveler #firetemplebaku #mytravelstories