Fire Temple , Baku

പ്രവേശന പാസ്സ് കിട്ടിയ ഉടൻ എല്ലാവരും ക്ഷേത്രത്തിനകത്തേക്ക് കടന്നു. പ്രവേശന കവാടത്തിനടുത്ത് സംസ്കൃതത്തിൽ കൊത്തിവച്ച പഴയ ബോർഡ് കണ്ടപ്പോൾ ഞാൻ ശരിക്കും അത്ഭുതപ്പെട്ടുപോയി . നമ്മുടെ നാട്ടിൽ നിന്നും ആയിരക്കണക്കിന് കിലോമീറ്റർ ദൂരെ തികച്ചും വ്യത്യസ്തമായ ഭാഷയും മതവിശ്വാസവും സംസ്കാരവും പിന്തുടരുന്ന സ്ഥലത്ത് ഇങ്ങനെ ഒന്ന് ഞാൻ പ്രതീക്ഷിച്ചിരുന്നില്ല . വായിക്കാൻ ശ്രമിച്ചെങ്കിലും ചില അക്ഷരങ്ങൾ വായിച്ചെടുക്കാം എന്നല്ലാതെ കൃത്യമായി മനസ്സിലായില്ല ... അനേക വർഷങ്ങളുടെ ഒരു കഥ തന്നെയുണ്ട് ഈ ക്ഷേത്രത്തിന് പറയാൻ . ഇറാൻ കൂടി ഉൾകൊള്ളുന്ന പുരാതന പേർഷ്യയുടെ ഭാഗമായിരുന്ന കാലഘട്ടത്തിലാണ് ഇതിന്റെ ചരിത്രം ആരംഭിക്കുന്നത്. അക്കാലത്ത് പ്രചാരത്തിലുണ്ടായിരുന്ന പ്രധാന മതമായ സോറോസ്ട്രിയൻ ( പാർസി ) മതത്തിന്റെ ആരാധനാ കേന്ദ്രവും സുപ്രധാന തീർത്ഥാടന കേന്ദ്രവും ആയിരുന്നു ഇത്. ഇവിടുത്തെ പ്രകൃതിയുടെ ചില പ്രത്യേകതകൾ കൂടി ഇതിന് കരണമായിട്ടുണ്ട് . ഈ പ്രദേശങ്ങളിൽ ഭൂമിക്കടിയിൽ ധാരാളം പ്രകൃതിവാതക ( Natural Gas ) നിക്ഷേപങ്ങളുണ്ടായിരുന്നു. ക്ഷേത്രം നിലനിന്നിരുന്ന സ്ഥലത്ത് ഉണ്ടായിരുന്ന നിരവധി ദ്വാരങ്ങളിലൂടെ ഈ വാതകം പുറത്തെത്തുകയും ശേഷം അന്തരീക്ഷത്തിലെ ഓക്സിജനുമായി ചേരുമ്പോൾ കത്തുകയും ചെയ്യുന്നു... അക്കാലത്തെ പേർഷ്യൻ ജനതയ്ക്ക് ഇതിന്റെ ശാസ്ത്രീയമായ വശങ്ങളൊന്നും അറിയില്ലായിരുന്നു. അവരുടെ മതവിശ്വാസം അനുസരിച്ച് "അഗ്നി" എന്നത് ഏറ്റവും വിശേഷപ്പെട്ട ഒന്നാണ്. അതാകട്ടെ അവരുടെ ഏകദൈവമായ " അഹൂറ മസ്ദ " യാണ് സൃഷ്ടിച്ചതും മനുഷ്യർക്കായി നൽകിയതും. സോറോസ്ട്രിയൻ ആരാധനകൾക്ക് അഗ്നി അനിവാര്യമായതിനാൽ ഈ പ്രദേശം വിശേഷപ്പെട്ടതാവുകയും ആദ്യമായി അഗ്നിക്ഷേത്രം നിർമ്മിക്കപ്പെടുകയും ചെയ്തു. പുണ്യസ്ഥലമായി അറിയപ്പെട്ടതുകൊണ്ട് ക്ഷേത്രത്തിന് ചുറ്റുമുള്ള പ്രദേശങ്ങളിലേക്ക് മതവിശ്വാസികൾ കുടിയേറിപ്പാർക്കുകയും ചെയ്തു.... .....തുടരും..... #pindle #firetemple #baku #azerbaijan #traveler #mytravelstories